ആനയടി- കൂടല്‍ റോഡ് നിര്‍മാണത്തിന്റെ ടാറിംഗ് പ്രവര്‍ത്തനങ്ങള്‍ ഉടന്‍ പൂര്‍ത്തീകരിക്കുമെന്ന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ പറഞ്ഞു. പന്തളം കുരമ്പാല തെക്ക് പോസ്റ്റ് ഓഫീസ് ജംഗ്ഷന് സമീപം റോഡ് നിര്‍മാണത്തില്‍ സാങ്കേതിക പ്രശ്‌നം ഉണ്ടായിരുന്ന സ്ഥലം സന്ദര്‍ശിച്ച ശേഷം സംസാരിക്കുകയായിരുന്നു ഡെപ്യൂട്ടി സ്പീക്കര്‍. നിര്‍മാണ പ്രവര്‍ത്തനവുമായി ബന്ധപ്പെട്ട് പൊതുമരാമത്ത് വകുപ്പ് ഉദ്യോഗസ്ഥര്‍ക്ക് ഡെപ്യൂട്ടി സ്പീക്കര്‍ നിര്‍ദേശങ്ങള്‍ നല്‍കി.
ആനയടി-കൂടല്‍ റോഡ് പൂര്‍ത്തിയാകുന്നതോടെ അടൂരിന്റെ ഗ്രാമീണ മേഖലയുടെ വളര്‍ച്ചയില്‍ വന്‍ കുതിപ്പ് ഉണ്ടാകുമെന്നും ഡെപ്യൂട്ടി സ്പീക്കര്‍ കൂട്ടിച്ചേര്‍ത്തു. നിര്‍മാണം പുരോഗമിക്കുന്ന ആതിരമല കുടുംബാരോഗ്യകേന്ദ്രവും സന്ദര്‍ശിച്ച് പുരോഗതി വിലയിരുത്തിയ ശേഷമാണ് ഡെപ്യൂട്ടി സ്പീക്കര്‍ മടങ്ങിയത്.
ഡിവിഷന്‍ കൗണ്‍സിലര്‍ രാജേഷ്‌കുമാര്‍, സിപിഐ ലോക്കല്‍ സെക്രട്ടറി ആര്‍. രാജേന്ദ്രന്‍, സിപിഐഎം കുരമ്പാല ലോക്കല്‍ സെക്രട്ടറി ബി. പ്രദീപ്, സിപിഐ അടൂര്‍ മണ്ഡലം കമ്മറ്റി അംഗം അജയകുമാര്‍, സിപിഐഎം ലോക്കല്‍ കമ്മറ്റി അംഗങ്ങളായ കെ കമലാസനന്‍ പിള്ള, പി. ഗോപിനാഥക്കുറുപ്പ് ബ്രാഞ്ച് സെക്രട്ടറിമാരായ രഘുകുമാര്‍, ദീപു ജി, മുരളീധരക്കുറുപ്പ്, സിപിഐ ബ്രാഞ്ച് സെക്രട്ടറി പ്രദീപ് കുരമ്പാല തുടങ്ങിയവരും ഒപ്പം ഉണ്ടായിരുന്നു.