സന്തോഷ് ട്രോഫി ചാമ്പ്യൻഷിപ്പിൽ കേരളത്തിന് ഏഴാം കിരീടം. ഫൈനലില് പശ്ചിമ ബംഗാളിനെ പെനല്റ്റി ഷൂട്ടൗട്ടില് 5-4ന് തോല്പ്പിച്ചാണ് കേരളത്തിന്റെ കിരീടനേട്ടം. നിശ്ചിത സമയത്ത് ഗോള്രഹിതമായ മത്സരത്തില് എക്സ്ട്രാ ടൈമിന്റെ ഏഴാം മിനിറ്റില് ദിലീപ് ഓര്വനിലൂടെ ബംഗാള് ലീഡെടുത്തു. എക്സ്ട്രാ ടൈം തീരാന് നാലു മിനിറ്റ് ബാക്കിയിരിക്കെ സഫ്നാദ് ഉഗ്രന് ഹെഡറിലൂടെ കേരളം ഒപ്പമെത്തി.